الصبح و انا نازلة من البيت رايحة الشغل كانت الدنيا مغيمة. انا اتفاجأت بالمنظر لأنى كنت متوقعة منظر الشمس المعتاد بس لما لقيت الدنيا مغيمة كأن حد مسك الريموت بتاع معنوياتى و رفع الفوليوم للآخر. آى و الله اصل انا فقرية و بحب الدنيا لما تبقى مغيمة. بتدينى إحساس بالإنتعاش كدة مش عارفة ليه.
المهم التاكسى دخل بيا من شارع امين فكرى اللى فيه مدرسة المنار عشان ينزل على البحر. قعدت أتأمل فى الشارع بتاع مدرستى و اتفرج على البنات و هما داخلين المدرسة و ماشيين بكل كبرياء الأنوثة و فخرها و اعتزازها و مبسوطين من نفسهم اوى فى السامر درس – لبس الصيف فى المنار و الإى جى سى للإسكندرانية و مريلة صفرا او لبنى او روز لغير الإسكندرانية- قلت ياااااااه فين ايام السامر درس دة و الجيل فى الشعر و الكرلى و الروشنة
و بعدين لقيت منظر غريب اوى، لقيت واحدة لابسة سامر درس طوووووويل على حجاب. عامل زى جلاليب الدادات كان. استغربت اوى للمنظر يمكن عشان على ايامنا ماكنش فيه بنات محجبة فى السن دة و حتى المحجبين كانوا بيلبسوا السامر درس العادى القصير بتاعنا. ماكنتش اعرف ان فيه سامر درس موديل اسدال 2007!
المهم التاكسى دخل بيا من شارع امين فكرى اللى فيه مدرسة المنار عشان ينزل على البحر. قعدت أتأمل فى الشارع بتاع مدرستى و اتفرج على البنات و هما داخلين المدرسة و ماشيين بكل كبرياء الأنوثة و فخرها و اعتزازها و مبسوطين من نفسهم اوى فى السامر درس – لبس الصيف فى المنار و الإى جى سى للإسكندرانية و مريلة صفرا او لبنى او روز لغير الإسكندرانية- قلت ياااااااه فين ايام السامر درس دة و الجيل فى الشعر و الكرلى و الروشنة
و بعدين لقيت منظر غريب اوى، لقيت واحدة لابسة سامر درس طوووووويل على حجاب. عامل زى جلاليب الدادات كان. استغربت اوى للمنظر يمكن عشان على ايامنا ماكنش فيه بنات محجبة فى السن دة و حتى المحجبين كانوا بيلبسوا السامر درس العادى القصير بتاعنا. ماكنتش اعرف ان فيه سامر درس موديل اسدال 2007!
3 comments:
يا كوفي، الغريب النهارده هو إن يكون فيه بنات مش لابسه الهباب ده بتاع الخدامات
yaaah. Fakkartini bel 7etta de. I was living in Ahmad Raafat street the one parallel to Ameen Fekri. I used to chase the student girls when I was a teenager. It is a very nice area by the way. Awwl marra a3raf ennek eskandrania. Da e7na baladeyyat ba2ah?
يابنتي دول بيلبسوهلهم من وهما عندهم 6 سنين
واللي مش لابسة الحجاب دلوقتي هي اللي غريبة
تحياتي
Post a Comment