ياللى بتسأل على الحياة خدها كدة زى ما هى
------------------
مش عارفة ليه دايما أفتكرك و أنا عند الكوافير بعمل شعرى.. يمكن عشان محمد الكوافير قريب من بيت أهلك.. يمكن عشان ياما عدينا من قدامه و إحنا راجعين من رحلات شرا اللبس التى لا تحصى فى محطة الرمل و الإبراهيمية و رشدى..
------------------
فيها إبتسامة و فيها آه فيها أسية و حنية
------------------
مش عارفة لية مسكت الموبايل و فتحت لستة الكونتاكتس و قعدت متنحة ببص فى إسمك بتركيز كأنى عايزة أمتصه جوايا.. كأنى عايزة أحضنه.. كأنى لما بحضنه بحضنك إنتى شخصيا..
-----------------
ياما الحياة فيها اللى بيشقيها و اللى بيرضيها و اللى يقاسيها
-----------------
نفسى أكلمك .. من يوم ما تجوزتى من تلات شهور بالظبط ماكلمتكيش تلات مرات على بعض و إحنا الإتنين كنا متغيرين.. حتى لما جبت لك هدية جوازك و رحت أبارك لك مع نانسى كان الموضوع مجاملات و شكليات مش أكتر..
----------------
الدنيا ريشة فى هوا طايرة من غير جناحين
----------------
إيدى بتاكلنى أرفع سماعة التليفون و أكلمك فى بيتك الجديد اللى عمرى ما هحفظ نمرته لأن عمرى ما هكلمك زى ما كنت بكلمك فى بيت أهلك.. إيدى بتاكلنى بس أنا كمان باكلها فى جيبى و بمنعها من الحركة و بفكرها بأد أيه جرحتينى و كام مرة روحت من خروجة معاكى و قعدت أعيط.. إيدى بتاكلنى بس أنا بفكرها أد أيه فى فترة نجحتى فى إنك تفرضى شخصيتك عليا و مسحتى شخصيتى اللى كل الناس بتقول عليها قوية.. إيدى بتاكلنى بس أنا بفكرها إزاى بعد ما قطعتى علاقتك بعماد اللى كان متقدم لك و كانت علاقتك بمامتك زى الزفت و كنتى لاجئة فى بيتنا و ماما إحتضنتك إزاى مامتك أقنعتك بعدها ان حنية ماما دة غلط و خلل فى تربيتنا و إن قسوة مامتك دى هى التربية الصح و دى اللى طلعتكوا إجتماعيين و طلعتنا إحنا شخصيات غير سوية و إنتهزتى كل فرصة بعدها عشان توضحى لى دة و بوظتى علاقتى بمامتى الفترة دى..و إزاى كنتى فى كل مكان بيجمعنا بناس تانيين تحبى تلقحى كلام عن الناس اللى بتبان طيبة و مسهوكة بس هى لئيمة.. إيدى بتاكلنى بس أنا بفكرها إزاى كنتى إنتى الإسفين اللى إندق فى علاقتى بالبنى آدم الوحيد اللى حبيته فى حياتى و إزاى من غير ما تشوفيه و لا مرة كنتى بتنتقدى كل حاجة فيه و إزاى حسستينى إنه طمعان فيا و إن أبويا بيبيعنى عشان هيساعده فى الشقة و إنه مفروض الشقة مسئوليته و إزاى بعد ما فشكلت الموضوع و فى خناقة ليكى مع خطيبك وقعتى بلسانك و حكيتى لى إن باباكى دفع فلوس فى شقتك.. إيدى بتاكلنى بس بفكرها إزاى إتقمصتى لما بطلت أحكى لك أى حاجة عليه و كنتى بتتصلى كل مرة يبقى عندنا عشان تتقصى على الأخبار و تبينى إنك عايزة تطمنى مش عايزة تعرفى معلومات و لا حاجة و إزاى كنتى بتقنعينى إنه عمل حاجات مفروض تزعلنى بس أنا اللى مش عايزة أصرح إنى زعلانة. أقولك يا ستى و الله ما زعلانة، تقولى لى لاء زعلانة و ماحدش هيعرفك غيرى أصلك بتحبى تكتمى جواكى..
---------------
إحنا النهاردة سوا و بكرة هنكون فين
---------------
فاكرة رحلة البحر الأحمر لما طلعنا الجبل و بقيت كل شوية أقف و أقعد أتريق على الوضع؟ طيب فاكرة آخر رحلة بتاعة الأقصر؟ فاكرة لما كنا بنكركب الأوضة فى الأوتيل بهدومنا فى كل حتة و مامتك تدخل تقول لا حول الله يا رب و إحنا نقولها مالكيش دعوة إجنا بنحب نحس إننا فى بيئتنا الطبيعة.. و إزاى قولنا لها تطلب من الرووم سيرفس ماينضفولناش الأوضة؟ فاكرة يوم ما رجعنا من مكدونالدز الأقصر بالليل و قعدتى تحكى لى على قسوة أخوكى معاكى و إزاى بيعامل خطيبك وحش لمجرد إنه أقل منه ماديا؟ فاكرة لما عيطتى فى حضنى و أنا عيطت عشان عياطك؟
---------------
إحنا النهاردة سوا و بكرة هنكون فين
--------------
فاكرة لما كنا بنروح نخدم فى ... و الضحك اللى كنا بنضحكه مع تانت ... و ولادها؟ فاكرة المرمطة فى المشاريع ؟ فاكرة لما كنت بنزل معاكى أشترى لعب الخدمة بتاعتك؟ فاكرة كروت الكريسماس اللى كنت بنقعد نلون و نقص فيها من قبلها فى شهر عشان حفلة الكريسماس؟ كل دة عملته و أنا مش بحبه عشانك..
-------------
إحنا النهاردة سوا و بكرة هنكون فين
-------------
فاكرة إزاى كنا بنخطط إننا هنبقى نسيب ولادنا عند بعض؟ أنا فاكرة و فاكرة كمان إنى كلمتك بعد ما إتجوزتى بفترة و مارضتيش تقولى إنك حامل و قلتى بعدها بيومين لما كنت عندك أنا و نانسى و نانسى ضغطت عليكى عشان تعرف ليه كنسلتى الرحلة اللى كنتى رايحاها..
-------------
إحنا النهاردة سوا و بكرة هنكون فين
-------------
إحنا إمبارح كنا سوا و دلوقتى إنتى هناك و أنا هنا
------------------
مش عارفة ليه دايما أفتكرك و أنا عند الكوافير بعمل شعرى.. يمكن عشان محمد الكوافير قريب من بيت أهلك.. يمكن عشان ياما عدينا من قدامه و إحنا راجعين من رحلات شرا اللبس التى لا تحصى فى محطة الرمل و الإبراهيمية و رشدى..
------------------
فيها إبتسامة و فيها آه فيها أسية و حنية
------------------
مش عارفة لية مسكت الموبايل و فتحت لستة الكونتاكتس و قعدت متنحة ببص فى إسمك بتركيز كأنى عايزة أمتصه جوايا.. كأنى عايزة أحضنه.. كأنى لما بحضنه بحضنك إنتى شخصيا..
-----------------
ياما الحياة فيها اللى بيشقيها و اللى بيرضيها و اللى يقاسيها
-----------------
نفسى أكلمك .. من يوم ما تجوزتى من تلات شهور بالظبط ماكلمتكيش تلات مرات على بعض و إحنا الإتنين كنا متغيرين.. حتى لما جبت لك هدية جوازك و رحت أبارك لك مع نانسى كان الموضوع مجاملات و شكليات مش أكتر..
----------------
الدنيا ريشة فى هوا طايرة من غير جناحين
----------------
إيدى بتاكلنى أرفع سماعة التليفون و أكلمك فى بيتك الجديد اللى عمرى ما هحفظ نمرته لأن عمرى ما هكلمك زى ما كنت بكلمك فى بيت أهلك.. إيدى بتاكلنى بس أنا كمان باكلها فى جيبى و بمنعها من الحركة و بفكرها بأد أيه جرحتينى و كام مرة روحت من خروجة معاكى و قعدت أعيط.. إيدى بتاكلنى بس أنا بفكرها أد أيه فى فترة نجحتى فى إنك تفرضى شخصيتك عليا و مسحتى شخصيتى اللى كل الناس بتقول عليها قوية.. إيدى بتاكلنى بس أنا بفكرها إزاى بعد ما قطعتى علاقتك بعماد اللى كان متقدم لك و كانت علاقتك بمامتك زى الزفت و كنتى لاجئة فى بيتنا و ماما إحتضنتك إزاى مامتك أقنعتك بعدها ان حنية ماما دة غلط و خلل فى تربيتنا و إن قسوة مامتك دى هى التربية الصح و دى اللى طلعتكوا إجتماعيين و طلعتنا إحنا شخصيات غير سوية و إنتهزتى كل فرصة بعدها عشان توضحى لى دة و بوظتى علاقتى بمامتى الفترة دى..و إزاى كنتى فى كل مكان بيجمعنا بناس تانيين تحبى تلقحى كلام عن الناس اللى بتبان طيبة و مسهوكة بس هى لئيمة.. إيدى بتاكلنى بس أنا بفكرها إزاى كنتى إنتى الإسفين اللى إندق فى علاقتى بالبنى آدم الوحيد اللى حبيته فى حياتى و إزاى من غير ما تشوفيه و لا مرة كنتى بتنتقدى كل حاجة فيه و إزاى حسستينى إنه طمعان فيا و إن أبويا بيبيعنى عشان هيساعده فى الشقة و إنه مفروض الشقة مسئوليته و إزاى بعد ما فشكلت الموضوع و فى خناقة ليكى مع خطيبك وقعتى بلسانك و حكيتى لى إن باباكى دفع فلوس فى شقتك.. إيدى بتاكلنى بس بفكرها إزاى إتقمصتى لما بطلت أحكى لك أى حاجة عليه و كنتى بتتصلى كل مرة يبقى عندنا عشان تتقصى على الأخبار و تبينى إنك عايزة تطمنى مش عايزة تعرفى معلومات و لا حاجة و إزاى كنتى بتقنعينى إنه عمل حاجات مفروض تزعلنى بس أنا اللى مش عايزة أصرح إنى زعلانة. أقولك يا ستى و الله ما زعلانة، تقولى لى لاء زعلانة و ماحدش هيعرفك غيرى أصلك بتحبى تكتمى جواكى..
---------------
إحنا النهاردة سوا و بكرة هنكون فين
---------------
فاكرة رحلة البحر الأحمر لما طلعنا الجبل و بقيت كل شوية أقف و أقعد أتريق على الوضع؟ طيب فاكرة آخر رحلة بتاعة الأقصر؟ فاكرة لما كنا بنكركب الأوضة فى الأوتيل بهدومنا فى كل حتة و مامتك تدخل تقول لا حول الله يا رب و إحنا نقولها مالكيش دعوة إجنا بنحب نحس إننا فى بيئتنا الطبيعة.. و إزاى قولنا لها تطلب من الرووم سيرفس ماينضفولناش الأوضة؟ فاكرة يوم ما رجعنا من مكدونالدز الأقصر بالليل و قعدتى تحكى لى على قسوة أخوكى معاكى و إزاى بيعامل خطيبك وحش لمجرد إنه أقل منه ماديا؟ فاكرة لما عيطتى فى حضنى و أنا عيطت عشان عياطك؟
---------------
إحنا النهاردة سوا و بكرة هنكون فين
--------------
فاكرة لما كنا بنروح نخدم فى ... و الضحك اللى كنا بنضحكه مع تانت ... و ولادها؟ فاكرة المرمطة فى المشاريع ؟ فاكرة لما كنت بنزل معاكى أشترى لعب الخدمة بتاعتك؟ فاكرة كروت الكريسماس اللى كنت بنقعد نلون و نقص فيها من قبلها فى شهر عشان حفلة الكريسماس؟ كل دة عملته و أنا مش بحبه عشانك..
-------------
إحنا النهاردة سوا و بكرة هنكون فين
-------------
فاكرة إزاى كنا بنخطط إننا هنبقى نسيب ولادنا عند بعض؟ أنا فاكرة و فاكرة كمان إنى كلمتك بعد ما إتجوزتى بفترة و مارضتيش تقولى إنك حامل و قلتى بعدها بيومين لما كنت عندك أنا و نانسى و نانسى ضغطت عليكى عشان تعرف ليه كنسلتى الرحلة اللى كنتى رايحاها..
-------------
إحنا النهاردة سوا و بكرة هنكون فين
-------------
إحنا إمبارح كنا سوا و دلوقتى إنتى هناك و أنا هنا
13 comments:
السلام عليكم
الف لا باس عليكي يا كوفي
الله يحرسك ويبعد عنك شر بني ادم وبنات حواء
ان اكرمت الكريم ملكته وان اكرمت اللئيم تمردا
اخيراً رجعتي للكتابه دانا افتكرتك نسيتي
انا بقالي فترة متابعه المدونة بتاعك. اسلوبك ظريف ودمك خفيف
ربنا معاكي
Love,
MishMish
اخيراً رجعتي للكتابه دانا افتكرتك نسيتي
انا متابعه المدونة بتاعتك من فترة وعايزة اقولك اسلوبك ظريف في الكتابه ودمك خفيف. ربنا معاكي
Love,
MishMish
mmmmmmmmmmmmmmmmmmmmmm .... mmmmmmmmmmmmmmmmmmmmmmmm ..... this is sooo deep , but you know what ... try to have wider look .. try to find execuses for her , maybe her personality maybe a fault in her .. maybe chances played a part of the game ... you will be more comfort .. I think ... by the way what's your name ?
انتي حساسة قوي
ياما بيحصل كدة واكتر من كدة
خليكي قوية
يا لهوي
هي عملت كل دا فيها.. والتانية لسة ايدها بتاكلها علشان تتصل بيها؟؟
ياللا
اللهم لا اعتراض
السلام عليكم
عيد ميلاد مجيد يا كوفي وسنة سعيدة
:)
أيه البوست الجميل ده اللي علي أنغام أغنية جميلة
أنا بحب بشكل شخصي البوستات اللي من النوع ده .. اللي فيها إغراق في الذاتية مش عارف ليه ؟
بس أسلوبك في الحكي جميل بجد
---
دي أول زيارة لي لمدونتك الجميلة لكن بكل تأكيد ها أكون ذبون دائم
---
كل سنة و أنتي طيبة
بفرح لما بلاقي لسا في حد بيحس زيك وبيفتكر الايام الحلوه والاحلام الجميله واصحاب الاحلام دي سوا خصوصا الاصدقاء اللي بيبقوا قريبين في فتره وبعدين تلاقيهم اتغيروا في منهم بيحقد عليكي وهو صاحبك بس اللي حقيقي ان هي دي الدنيا نزعل ساعات علي حاجات راحت خلاص
نزعل شويه علي الانسانيه اللي موتها الرصاص
تحياتي
nani
ميرسى بجد يا نانى على متابعتك ليا و للى بكتبه رغم ان المدونة مش اد كدة و انا مش بعرف اتعامل كويس و ارد اول بأول، بس الكتابة دى حالة مزاجية مش بتيجى كتير للأسف
كل سنة و انتى طيبة يا نانى و سنة سعيدة عليكى و على اهل بيتك
migo
ميرسى يا ميجو على كلامك اللذيذ
fady
انا التمست اعذار كتير و على فكرة انا برضه بحبها و بتمنى لها كل حاجة حلوة
بيسوو
حاضر :)
nael
شفت؟
على باب الله
انا كمان بحب البوستات اللى انت بتوصفها دى، بس بحب اقراها مش اكتبها عشان بتفكرنى بخيبتى :)
coca
عجبتنى اوى جملة الإنسانية اللى ماتت بالرصاص
بس الرصاص حاجة شيك، اعتقد الإنسانية ماتضربتش بالرصاص الإنسانية اتضربت بشبشب من ابو وردة :))
عجبتنى الجملة تصدقى :)))
ابقى تعالى
مش عارف اقولك ايه
طيب ما يمكن اروح الاقيها هي بتقول عنك برضه حاجات شايفه انك كنتي لئيمه فيها وتعبتيها معاكي وانها وقفت معاكي في حاجات كتير
بصي يا سكر البني ادم مش ممكن يكون حاجه كده تحفه بدون خطأ نهائي
لازم يكون فيه عيوب
يعني لازم لما تصاحبي حد تعرفي انك اكيد مع الوقت هتعرفي عيوبه وانتي اللي تحددي العيوب دي ممكن تتعايشي معاها يعني مميزاته التانيه ممكن تغطي على العيوب دي ولا مينفعش خلاص العلاقه والصداقه تدوم اكتر من كده
نقطه كمان ممكن حاجات تكوني شايفه انها كانت قاصده انها تخونك او تئذيكي بيها وتكون هي اخدتها بحسن نيه او مش قاصده معلش انا مش اعرفها ولا حاجه بس معنى كلامك ان كان بينكم قصه صداقه كبيييره قوي يبقى صعب قوي انك ترميها كده بسهوله على الأقل حاولي تصارحيها بجزء من اللي زعلك مش كل حاجه طبعا علشان متجرحيهاش لكن تدريجي كده فكروا سوا ايه اللي حصل ليكم خلاكم عملتم كده في بعض
انا كان عندي اصحاب كتييييير قوي وبعدين بقيت انقي منهم لا ده رخم
لا ده مزعج
ده بخيل
ده كداب وبيهجص كتير
لا ده مش متربي
لا ده شكله مش عاجبني
لا ده حقود
لا ده ريحته معفنه
وحاجات كتير بالشكل ده
لحد ما لقيت فاضل معايا صديق واحد وتوقعت اني هيجي لحظه برذه واقول عنه اي عيوب
فقبل ما اعمله هو كمان تقييم غيرت النظام وبقيت ابص انا نفسي عندي عيوب قد ايه وغلط في حق اصحابي كام مره حتى لو كانت حاجه تافهه يعني ومكنتش اقصد او وايه يعني عادي
وبقيت اصاحب كل الناس بس من غير ما اتأثر قوي بيهم يعني اعرف كل واحد عيوبه فين واحترس منها لأني مش هلاقي في الدنيا صاحب مثالي
وعلى رأي سواقين الميكروباص
مفيش صاحب يتصاحب
ولأني طولت عليكي سماح بقى
واعتبريني صديق جديد عيوبه كتيره بس هتستحمليه علشان زي ما اتفقنا الدنيا مفيهاش حد مثالي قوي
وسلاااااااااااااااااااام
:(
البؤساء
لي ميزرابل
ربنا يعوضك بصديقة احسن منها يا رب
و يكرمك دايما
امين
kol wa7ed beyshoof enno el sa7, el kessa matetseme3sh men taraf wa7ed bas.. akeed heya liha zorofha w mobareratha.. leeh mafakartish 3omrek tetkalemi ma3aha b sara7a w direct! w tes2aliha leeh et3'ayaret, law konti ba2ya 3aleha fe3lan konti 3amalti keda, el beyez3al men 7ad bey7ebo awi beysar7o laken law 7ad mesh mohem beye3mel el enti bete3melih delwa2ti da enek tenafadi w da mesh sa7!! law ba2ya 3aleha lesa kalemiha w sar7iha, yemken heya mestaneya el khatwa di tigi mennek!
Post a Comment