موضوع كوميدى أوى ماتخيلتش إنى أقراه فى يوم من الأيام.
الموضوع يا سادة يا كرام على مدونة بنت إخوانية و بيدور حول قضية رئيسية فعلا هى:
البنت الإخوانية لازم تتجوز "أخ" على حد تعبير المدونة و لا ممكن تتجوز واحد متدين من المهرطقين العاديين مش من الإخوان؟
يا حلاوة يا ولاد، البلد إتقسمت مسلمين و مسيحيين، و بعدين المسيحيين إتقسموا أرثوذكس و كاثوليك و بروستانت و المسلمين إتقسموا سنة و شيعة و السنة إتقسموا إخوان و مش إخوان، و بعد كدة هيتقسموا إخوان بمبة مسخسخ و إخوان فحلقى.
لاء و بتقول لك أيه الأخت الإخوانية، بتقول إن لو الواحدة الإخوانية إتجوزت واحد مش إخوانى مش هيمسكوها مناصب كان ممكن تمسكها ، ليه يا حلوين و جتكوا وكسة هى أيه المناصب اللى هتمسكها أصلا و هى حرمة لا طلعت و لا نزلت؟بيقولك آل عشان أسرار الدولة الإخوانية ماتطلعش برة للكافر جوزها اللى هو متدين بس و بعدين حكت موقف ضحكنى موت الصراحة، واحدة إخوانية متجوزة واحد مش إخوانى إتخانق معاها خد نوتة تليفوناتها و قام مبلغ على كل "إخواتها" اللى فى الحى :))))))
و بعدين صاحبة المدونة بتسأل سؤال حيوى عميق: البنت الإخوانية تستنى تتجوز واحد أخوانى و هو قد ما يعرضها و العياذ بالله لبلاء العنوسة المنتشر فى المحروسة و لا تقضيها و تتجوز واحد متدين و خلاص؟
إنتوا أيه رأيكو؟أنا رأيى: كلمة مش مؤدبة
الموضوع يا سادة يا كرام على مدونة بنت إخوانية و بيدور حول قضية رئيسية فعلا هى:
البنت الإخوانية لازم تتجوز "أخ" على حد تعبير المدونة و لا ممكن تتجوز واحد متدين من المهرطقين العاديين مش من الإخوان؟
يا حلاوة يا ولاد، البلد إتقسمت مسلمين و مسيحيين، و بعدين المسيحيين إتقسموا أرثوذكس و كاثوليك و بروستانت و المسلمين إتقسموا سنة و شيعة و السنة إتقسموا إخوان و مش إخوان، و بعد كدة هيتقسموا إخوان بمبة مسخسخ و إخوان فحلقى.
لاء و بتقول لك أيه الأخت الإخوانية، بتقول إن لو الواحدة الإخوانية إتجوزت واحد مش إخوانى مش هيمسكوها مناصب كان ممكن تمسكها ، ليه يا حلوين و جتكوا وكسة هى أيه المناصب اللى هتمسكها أصلا و هى حرمة لا طلعت و لا نزلت؟بيقولك آل عشان أسرار الدولة الإخوانية ماتطلعش برة للكافر جوزها اللى هو متدين بس و بعدين حكت موقف ضحكنى موت الصراحة، واحدة إخوانية متجوزة واحد مش إخوانى إتخانق معاها خد نوتة تليفوناتها و قام مبلغ على كل "إخواتها" اللى فى الحى :))))))
و بعدين صاحبة المدونة بتسأل سؤال حيوى عميق: البنت الإخوانية تستنى تتجوز واحد أخوانى و هو قد ما يعرضها و العياذ بالله لبلاء العنوسة المنتشر فى المحروسة و لا تقضيها و تتجوز واحد متدين و خلاص؟
إنتوا أيه رأيكو؟أنا رأيى: كلمة مش مؤدبة
6 comments:
السلام عليكم
انا راي من رايك تماما
بس سوال سمج
مش هو اشتغال المرأة بغير بيتها وعيالهاعمل يؤدي الى جهنم وبئس المصير؟
فايه المناصب الي حتمسكها
قائدة حلة رز ولا مسؤولة القصف العشوائي في حلة مكرونة
يا ختي بلا نيلة
انا شايف ان دى ازمة انقطاع المياه عن الحنفية و هو ما ادى الى عدم غسل الخضار قبل طهيه
....
فاهمانى
و لا ايه نظامهم فى نافوخهم
يا لهوي
هو حد لاقي عرسان يا بنتي تتجوز واحد مش اخواني وربنا يسامحها بقى
الله يهدي المسلمين كمان هنبلغ على بعض قال ايه اخد النوته وبلغ عن اصحابها
فكرتيني بواحده شيخه بتدي دروس في مسجد وكل مره تحكيلهم حكايه جديده مبقدرش اصدقها والحكايات تبقى تفقع المراره عن ان اللي يعمل غلط هيروح في ستين داهيه
الدين مش محتاج نألف قصص علشان نثبته الدين حق
يعني مش هاقولك على اي قصه منهم علشان انتي اسكندرانيه وطبعك حامي وممكن تعمليلنا مصيبه
سلام يا اختي
كل سنه وانتي طيبه
سلااااااااااااااام
في الواقع يا كوفي هانم... أنا أري أن تنتظر الآنسة الإخوانية حتي يتوفاها الله وتلاقي لها ٧٢ راجل حوري ينكحوها وبلاش تاخد رسك إنها تتجوز كافر إبن كلب مش إخواني
عندك إيه بقي في التلاجه النهارده؟
nani
ضحكتينى ضحك فزيع فزيع فزيع
:)))))))))))
عباس العبد
اه طبعا كلامك واضح و مفهوم لأى حد :))
يخرب بيت اللى يزعلك يا شيخ
الشنكوتي الكبير
و انت طيب يا ابو الشناكيت
و بعدين على رأى اخويا اللى يلاقى عالم هبلة و مايشتغلهمش ربنا يحاسبه
Hassan El Helali
حلوة كوفى هانم دى يا إكسلانس
للأسف مش متوفر الموديل الذكورى من الحوريات فالمدموازيل الإخوانية فرصتها قاصرة على الحياة الدنيا لأنها فى الجنة مالهاش غير جوزها اللى هى بالنسبة له واحدة من ضمن :))) و ادى دقنى اهيه لو بص لها اساسا
التلاجة بأة فيها فضلة خيرك بيض مقلى :))
السلام عليكم ورحممة الله وبركاتة
والله حضرتك " سواء بنت اول ولد
لا تراعي حرية الفكر
ولا تراعي حرية النقل
وفين الدليل علي كلامك
وفين رابط الموضوع
وحضرتك مين اصلا عشان تتكلم عن الاخوان بهذه الطريقة
انظر لنفسك
وشوف نفسك الاول وبعدان تعالي اتكلم
ومتتعودش انك تنقد بلا اجاد دليل قطعي موثق
فعلا مدونتكم اسمها بلا نيلة وحضرتكم اصلا النيلة
ربنا يهديكم
Post a Comment